Элдик Банк — Корея жана Борбор Азия аналитикалык борборлорунун Экинчи Форумунун расмий өнөктөшү

Бүгүн Кыргыз Республикасынын Президентинин Мамлекеттик резиденциясында Түштүк Кореянын, Казакстандын, Кыргызстандын, Тажикстандын, Түркмөнстандын жана Өзбекстандын изилдөө борборлорунун делегацияларын чогулткан ири эл аралык форум өз ишин баштады.

Форум Кыргыз Республикасынын Президентине караштуу Улуттук стратегиялык демилгелер институту жана Корея фонду — Корея–Борбор Азия кызматташтыгы форумунун катчылыгы тарабынан уюштурулду.

«Климаттык көйгөйлөргө туруктуулук, көмүртек бейтараптуулугуна жетишүү жана ESG трансформациясы — регионду туруктуу өнүктүрүүнүн вектору» сессиясында Элдик Банктын туруктуу өнүгүү департаментинин жетекчиси Айжан Кариева баяндама жасады.

Сессиянын алкагында банктын ESG демилгелерин илгерилетүү жаатындагы тажрыйбасы жана изилдөө институттары менен банк секторунун кызматташуусун өнүктүрүү боюнча сунуштар талкууланды.

Элдик Банк туруктуу өнүгүүнү активдүү колдойт жана көмүртек изин кыскартуу, аялдардын бизнеске аралашуусу, кызматтарды санариптештирүү жана айлана-чөйрөнү коргоо боюнча демилгелерди ишке ашырууну улантууда.